Skip to main content

एक खुलासा

(सूचना: हा एखादा नवीन लेख नाही. यातू ही भयकथा यापुढे येथे प्रसिद्ध होणार नसल्यामुळे त्याबाबतची माहिती वाचकांना देणे मला महत्त्वाचे वाटल्याने हे निवेदन पप्रसिद्ध केलेले आहे.)

नमस्कार…

आपण "यातू" ही भयकथा येथे वाचायला आलात याबाबत आपले अगदी मन:पूर्वक आभार. पण माफ करा, यातू या भयकथेचे पुढील भाग मी या ठिकाणी यापुढे उपलब्ध करून देऊ शकणार नाही. त्याचं कारण सांगण्याकरिताच हा लेखनप्रपंच…

माणसाच्या जीवनात, त्याच्या विचारात नेहमी काही गोष्टींचा प्रभाव असतो. त्या विचारांनुसारच प्रत्येक गोष्टीचे तो आकलन करत असतो. हा विचारांचा प्रभाव उत्तरोत्तर वाढत जाणे ही कौतुकास्पद बाब असेलही कादाचित पण त्या विचारांना जर का एखाद्या प्रतीविचाराने तडा जात असेल आणि त्या प्रतीविचाराची विशुद्ध चिकित्सा करून जर तो प्रतीविचार आपल्या सद्सद्विवेक बुद्धीला पटत असेल तर आधीच्या विचारांचा त्याग करून नवीन विचार आत्मसात करणे मला जास्त महत्वाचे आणि कालानुरूप सुसंगत वाटते. आणि हाच विचार आपल्या अनेक थोर पुरुषांनीही मान्य केलेला आहे. तुमचे विचार कालानुरूप बदलत गेले पाहिजेत, ते एकाच स्वरूपाचे न राहता ते वेळोवेळी उत्क्रांत होत जावे हे अनेकांनी मान्य केलेले आहे.

माझा सुद्धा आधी भूत-प्रेत अप्राकृतिक घटना यावर विश्वास होता. व्यक्तिश: माझ्यासोबत अशा घटना आजवर घडल्या नसल्या तरीसुद्धा माझ्या नातेवाईकांच्या तसेच इतरही काही लोकांच्या सांगण्यावरून आणि त्यांनतर या बाबतीत मी वाचलेली काही पुस्तके व त्यातील लेखकांच्या वक्तव्यांवरून माझा अशा गोष्टींवर विश्वास दृढ झालेला होता. परंतु मागील काही काळापासून अंधश्रद्धा निर्मुलन समिती, तसेच काही विज्ञानवादी लेखकांची मते वाचण्यात आली. तसेच या विषयावर अनेक लोकांना प्रश्न विचारून झाले एव्हडेच नव्हे तर मी स्वतःही या बाबतीत प्रसिद्ध अशा काही घटनांची दाखल घेतली, काही ठीकाणांना भेट देऊन आलो, या साऱ्यांनवरून एकच निष्कर्ष समोर आला आणि तो म्हणजे भूत-प्रेत, जादू-टोणा या निव्वळ भाकडकथा असून काही समाजविघातक प्रवृत्तींमुळे असले प्रकार समाजात फार मोठ्या प्रमाणावर पसरवल्या जातात.

आज आपण २१व्या शतकात वास्तव्य करत आहोत आणि हे युग विज्ञानाचे युग म्हणून प्रसिद्ध आहे. त्यामुळे आज आपला दृष्टीकोण हा विज्ञानावरच आधारलेला असावा, हे मला पटू लागले आहे. विज्ञान हेच मनुष्याचे भविष्य असून ते अनेक प्रयोगांतून आणि मानवी दृष्टीकोनाला पटेल अशा निरनिराळ्या साधनांतून जात असल्यामुळे त्याची वैधता निश्चितच चिरकाल टिकणारी आहे, हे त्या दृष्टीने विचार केल्यावर आपल्याला पटायला लागते. परमेश्वर, भूत-प्रेत तसेच याबाबतचे वेगवेगळे प्रकार हे कालानुरूप टाकून देऊन वैज्ञानिक दृष्टिकोनावर आधारलेला समाज निर्माण करण्याकरीता आजवर अनेक थोरा-मोठ्यांनी कार्य केले त्यात महात्मा फुले, संत गाडगे महाराज, राजर्षी शाहू महाराज, महादेव गोविंद रानडे, गोपाळ गणेश आगरकर, बाबासाहेब आंबेडकर, विनायक दामोदर सावरकर तसेच आजच्या युगातील नरेंद्र दाभोळकर, कॉ. गोविंद पानसरे, कुमार सप्तर्षी, श्याम मानव, बाबा आमटे, डॉ. अभय बंग आदींनी मोठे कार्य केलेले आहे. आज त्यांचेच विचार आचरणात आणण्याची गरज समाजाला आहे, असे माझे मत आहे. यांनी केलेल्या कार्याचे फळ म्हणूनच की काय महाराष्ट्रात तरी अंधश्रद्धा विरोधी कायदा लागू झालेला आहे. दाभोळकरांचा त्यासाठी बळी गेला. असो. परंतु कर्नाटक, तामिळनाडू येथील विज्ञानवादी संघटनांनीही आपल्या राज्यातील सरकारांकडे अशा प्रकारच्या कायद्याची मागणी केलेली आहे, हा या चळवळीचा एक छोटासा परंतु महत्त्वाचा विजयच म्हणावा लागेल.

या चळवळीचे एक अजून वैशिष्ठ्य म्हणजे यातील बहुतांश लोक परमेश्वरवादी नसूनही त्यांनी कुठल्याही धर्मावर कधीही आक्षेप घेतलेला नाही. त्यातील समाजविघातक रूढी-परंपरांवर असेल परंतु कुणाच्याही स्वतःच्या परमेश्वराला पूजण्याचा संवैधानिक अधिकारावर त्यांनी कधीही टीका केलेली नाही. त्या कायद्यातही तसा उल्लेख कुठेही नाही. तरीसुद्धा काही उजव्या विचारांच्या संघटना त्यांना याबाबत बदनाम करीत असतात. असो. तर म्हणूनच मी देखील माझ्यापासून सुरुवात करून माझ्या ब्लॉगवरून अशा प्रकारच्या सर्व कथा, ब्लॉग्ज पूर्णपणे नष्ट करतोय. ही कथा पुढे लिहणे देखील मी सोडलेले असून यापुढे या कथा तसेच अशा प्रकारचे कुठलेही लिखाण या ठिकाणी तरी प्रसिद्ध होणार नाही.

धन्यवाद!
तसदीबद्दल क्षमस्व!!
आपला
प्राजक्त प्र. कारंजकर
हैद्राबाद, भारत.

Popular posts of the week

संवाद….माणसाला मिळालेली एक उपयुक्त देणगी

सर्वप्रथम आज एका नवीन विषयावर लिखाण करीत असल्याने चुकीबद्दल क्षमस्व.माझे नेहमीचे आवडते विषय सोडून एखाद्या नवीन विषयावर लिखाण करण्याची माझी इच्छा होती,तिलाच आज शब्दरूप देत आहे.बघा आपल्याला हा विचार पटतो का तो.

माणसाला देवाने दिलेली एक अप्रतिम देणगी म्हणजे त्याचे शरीर.माणसाचे शरीर म्हणजे आजवर माणसाला न उलगडलेले कोडेच म्हणावे लागेल.कारण माणसाने त्याच्या शरीरातील अनेक वर-वर दिसणाऱ्या गोष्टींचा शोध लावला असला तरीही काही गोष्टी कशा काम करतात हे अजून त्याला समजलेले नाही.उदाहरण घ्यायचेच झाले तर अशा गोष्टीत सर्वात प्रथम क्रमांक लागतो तो माणसाच्या मेंदूचा.माणसाच्या मेंदूमधील अनेक गोष्टींचे कोडे सोडवण्यात माणूस अजून यशस्वी झालेला नाही.माणसाच्या जन्म-मृत्यूचे अतिशय विलक्षण असे धागेदोरे उलगडण्यात सुद्धा माणसाला अजून तरी यश आलेले नाही.असो.या गोष्टीचा शोध जेव्हा लागायचा तेव्हा नक्की लागेल पण आज आपण अशाच एका गोष्टीबद्दल येथे चर्चा करणार अहोत ती म्हणजे संवाद.

Manya Surve: Exposed

Location-AmbedkarCollege,Wadala,Mumbai,Maharashtra,India January11,1982 at 1230 Hrs.- Mumbai Crime Branch gota tipfrom an unknown source, that Manya Surve would be arriving atthegarden near Ambedkar College at Wadala to meethis girlfriend.18 Crime BranchOfficersmade the teamsof3-eachand dispersedthemselves into the variousparts ofthetargetarea.

January11, 1982 at 1300Hrs.- All thetrafficand publicaround the area ofAmbedkar College,Wadala were cleared out.All the arrangementswere tookplace for the trapping ofthe criminal who gavea lot

मराठी भाषा- एक संस्कृती

२७ फेब्रुवारी ला मराठी भाषा दिवस साजरा झाला. खरंतर त्या दिवशीच हा लेख ब्लॉगवर टाकायची इच्छा होती, परंतु काही कारणास्तव जमले नाही. तरीसुद्धा या विषयावर लिखाण करण्याची इच्छा काही स्वस्थ बसू देईना. तेव्हा म्हटलं आता हे करावाच लागणार, नाहीतर रात्रीची झोप आणि दिवसाची भूक कुठे आणि कशी हरवून बसील, ते मलाही कळणार नाही. त्यामुळेच आज हा लेख लिहत आहे. सर्वप्रथम या ब्लॉगवरील सर्व वाचकांना जागतिक मराठी भाषा दिनाच्या अगदी मनापासून शुभेच्छा देतो आणि नंतरच मूळ लेखाला हाथ घालतो.

कर्ण-एक अद्वितीय योद्धा

महाभारतातील सर्वच पात्र आपापल्या ठिकाणी एक वेगळेच वलय निर्माण करतात.मुळात हा ग्रंथच तसा आहे.पौराणिक काळातील  भारताची ओळख संपूर्ण जगाला याच महाग्रंथाने करून दिली पण हि ओळख केवळ त्यातील पानांनी बनलेली नसून त्यातील पात्रांनी बनलेली आहे. यातील सर्वच पात्र हे आपल्या कठोरपणाची,सौम्यतेची वेळोवेळी जाणीव करून देतात परंतु शेवटी सत्याला झुकतं माप देताना दिसतात.

पण याच ग्रंथातील काही व्यक्तिमत्त्व सत्य-असत्य यापुढे जाऊन भगवद्गीतेत सांगितल्याप्रमाणे केवळ आपले कर्तव्य करण्याचे लक्ष्य स्वतःपुढे ठेवून संपूर्ण निःस्वार्थ वृत्तीने ते मिळवण्याचा प्रयत्न करतात त्यात त्यांना अहंकार आणि त्याकाळातील समाजरचनेशी कठोर संघर्ष करावा लागतो. ते यात पूर्णपणे यशस्वी होतात असे नाही परंतु जे काही प्राप्त करतात त्याला तोड नसते.

मराठी इतिहास आणि छत्रपती संभाजी महाराज भाग १

कालची तारीख होती १ फेब्रुवारी २०१४…याच दिवशी कालपासून बरोबर ३२५ वर्षांअगोदर मराठी सत्तेला प्रचंड मोठा हादरा बसला…तो इतका प्रचंड होता की,थोड्या काळाकरिता का होईना मराठी सत्तेचे म्हणजेच शिवरायांच्या हिंदवी स्वराज्याचे तळच बुडाले.याच दिवशी १६८९ ला मुकर्रबखानाने (शेख नजीब खान) मुघली फौजेच्या व शिर्के नावाच्या एका मराठी समाजघातकाच्या  सहाय्याने शृंगारपुरच्या अरण्यात स्वराज्याचा दुसरा छत्रपती,हिंदवी स्वराज्य संस्थापक छत्रपती शिवाजीराजे भोसल्यांचा पुत्र,या मराठी जनतेतील रयतेचा राजा संभाजी यास पकडले आणि संपूर्ण महाराष्ट्रावर अवकळा पसरली.संपूर्ण महाराष्ट्र देश दुःखाच्या खोल सागरात बुडून गेला. त्या दुःखद घटनेची आपण चर्चा करणार आहोतच परंतु संभाजी राजांच्या इतिहासातील पात्राबद्दल आधी थोडे पाहू.

Connect on Facebook

Google+ Followers